Porrotx eta Marimo, Seber Altube Ikastolako lagun kutxiflusekin

Porrotx eta Marimo, Seber Altube Ikastolako lagun kutxiflusekin

Pasa den igandean, hilak 24, 2 saio eskaini genituen Gernikan. 2400 irrizale elkartu ginen, giro ederrean. Eskerrik asko Seber Altube Ikastolako antolatzaileei eta gurekin kantu eta dantza aritu zineten pirata txintxurriei! Maite zaituztegu, katxiporreta!

Marimo, Xabier eta Idoia, Aldagelan prest

Marimo, Xabier eta Idoia, Aldagelan prest

Saioan goxo-goxo

Saioan goxo-goxo

Gure Marimo mari matraka

Gure Marimo mari matraka

Aupa Porrotx, zu beti gazte!

Aupa Porrotx, zu beti gazte!

Marimo pozik, lagunei kontutxoak esaten

Marimo pozik, lagunei kontutxoak esaten

Aupa Hitza! Lehen hitza beti euskaraz!

Aupa Hitza! Lehen hitza beti euskaraz!

Taldekideak, Andoaingo laguntxoekin kantu eta dantza. Argazkia,AIURRI.

Taldekideak Andoaingo laguntxoekin kantu eta dantza. Argazkia, AIURRI.

Joan den ostiralean, hilak 22, Aiurri Kultur Elkarteak antolatuta,  bi saio eskaini genituen Andoaingo Bastero antzokian. Bero-bero hasi ginen guztiok lehen kantutik. Eskualde horretan hurrengoa Urnietan izango da maiatzean, hura ere Aiurriren eskutik.

Aiurriko lagun maitagarriek argazki bilduma bat ipini dute, eta emanaldi haseraren bideotxo bat ere zintzilikatu dute aiurri.comen.

Pirritxek bideo-konexioz agurtu zituen Andoaingo lagunak. Arg. AIURRI.

Pirritxek bideo-konexioz agurtu zituen Andoaingo lagunak. Arg. AIURRI.

Bertaratu ziren hainbat eta hainbat irrien lagunen artean, Naiara,Uxue, Leire eta Naroak mezu polit bat bidali ziguten emailez. Superongi pasa zutela eta antzerkia superpila gustatu zitzaiela zioten bertan. Oholtzara ere igo ziren, gurekin dantzatzera.  Naiarak opari superkutxiflusa egin digu, marrazki dotorea. Markoa ere erosi omen dute logelan koadro berria zintzilikatzeko! Ostiralean jasotako hauts magikoak ere marrazkian itsatsi ditu. Begira ze polita!

Artista pinpirina: Naiara Udakiola, 5 urte.

Artista pinpirina: Naiara Udakiola, 5 urte.

Naiara,Uxue, Leire eta Naroa, Marimorekin.

Naiara,Uxue, Leire eta Naroa, Marimorekin...

...eta Porrotxekin

...eta Porrotxekin

Goxokizko muxuak Andoain eta inguruetako Irrien Lagun guztiei!

Urri, urri, urri, Aiurri bihurri!

“Gero eta gehiago kostatzen zaio Porrotx eta Joxe Mari bereiztea. Gero eta gehiago dira bat eta bakarra. Sudur gorririk gabe harrapatu dugu Hernanin, San Sebastian bezperan jokatzen den Tabernako Bertsolari Txapelketan parte hartu aurretik. Eta, orain, bertsolari? Harritzekoa da daukan energia, segur aski, birena biltzen duelako; Joxe Marirena eta Porrotxena.”

Hauek dira Amagoia Mujikak joan den urtarrilaren 22ko In Fraganti atalean idatzitako lehen lerroak, GAUR8.infon. Hausnarketa sakona, interesgarria eta polita, oso polita.

Eneko Olasagasti. ARGIAren argazkia

Eneko Olasagasti. ARGIAren argazkia

“Askori oso ezagunak, ezagunegiak egingo zaizkizue izenburuko –sentitu, pentsatu, egin– hiru aditz hauek orden horretan jarriak. Beste askori ezagunak baino aspergarriak ere bai. Barkatuko didazue, aita beranta izan naiz eta atzerapenez iritsi naiz Pirritx eta Porrotxen unibertsora…” Hiru aditzen konbinaketaz ari da Eneko Olasagasti zinema ekoizlea Argia astekarian, joan den urtarrilaren 17ko alean. Eskerrak ere eman dizkigu bere lerroetan! Eskerrik asko zuri, Eneko, hitzok zure egiteagatik!

Sentitu, pentsatu, ekin, denok elkarrekin!

Joan den urtarrilaren 8ko Berrian, Larrepetit atalean, honela mintzo da Fredi Paia, Jon Maiak abuelari idatzi, Xabier Zabalak musikatu eta pailazook ozen abesten dugun sebillanaz:

“Euskal hiztunen komutatea biluzik dago miseriatik ihes egin izan eta egiten duten kanpotar uriolen aurrean. Tresna gutxi daukagu, orain arte konplexudunen eta orain sentsibilitaterik gabekoen eskuetan.” Honen aurrean, praktika kultural enpatikoa proposatzen du Fredik, adibidetzat Abuela Maria Luisa kanta jarriz. Liluraturik utzi omen zuen, anaiak autoan jarri zionean: “Integrazio kulturalaren gaineko doktore tesia da niretzat. Kanpokoaren kulturarekiko begirune eta jakintzan oinarritutako iraganaren eta etorkizunaren arteko integrazio zubia. Jaurlaritzak sari bat eman beharko lioke, olibondo formaduna.”

Orrialdeak denera: 45« Lehena...102030...3839404142...Azkena »