Aupa, bugi-bugi! ARG.Kronika.

Aupa, bugi-bugi! ARG.Kronika.

Joan den igandean ederki ibili ginen Hernaniko umeekin. Kiroldegiko frontoia leporaino beteta, kantu eta dantza errepertorioari astindu galanta eman genion. Umeek lagunduta kantatu genituen. Lau Haizetara akordeoi taldearen eta AEK Euskaltegiaren aldeko festa izan zen igandekoa, eta Udal Musika Eskola zoriondu genuen bukaeran, aurten 25 urte bete dituena, zorionak zuri eta maite zaitut kantatuta. Kanta eta dantza saioaren ostean denentzat izan ziren muxuak, txokolatezkoak, marrubizkoak, txorizo-tortillazkoak, meloizkoak… Zaku bete muxurekin bueltatu ginen pailazoak etxera, katxiporreta! Astelehenean honen inguruan idatzi zuten Kronikan.

Martxan gara berriro ere!

Irailean hainbat saio eskainiko ditugu

Iepalatx! Atsedenaldiaren ostean indarrez gatoz berriro ere, gure lagunekin elkartzeko gogoz. Aupa ikasturte berria! Gora udazkena! Iraila amaiera arte saio batzuk eskainiko ditugu eta gero disko berria grabatuko dugu. Saio berria ere prestatzen ari gara, azaroan estreinatuko duguna. Sorpresaz betea datorkigu denboraldia, Pirritx agertokietara bueltatuko baita bere bi umetxoekin, Pupu eta Lorerekin. Eta lagun berri gehiago ere ezagutuko ditugu: Sendagilea, basozaina, Lagun txakurra… Guztiok gara Irrien Lagunak eta denok osatzen dugu Irrien Lagunen Kluba. Gehiago jakin nahi? Adi ba, datozen asteetan kontatuko dizkizuegun sekretuei! Eta bitartean, disfrutatu martxan dugun ‘Irrien Lagunak’ emanaldiarekin! Biba zuek!

aupa Maitane

aupa Maitane "DV"

Maitane Goñik Joxe Mari Agirretxe “Porrotxen” bixita izan zuen aurreko astean Pariseko Raymond Poincaré hospitalean. Maitane pozik zegoen Porrotxi esateko sekretutxo bat zuelako. “Ostiralean etxera noa” esan zion irriparrra ahoan zuela. Porrotx saltoka hasi zen pozez zoratzen “Oeee!!saltxitxa ta pureee Oeee! Oeeee!” Muxu handi bat eman zioten elkarri eta Porrotxek beste sekretutxo bat esan zion belarrira ” Maitane, San fermin kantaren bideoklipa grabatuko dugu laster. etorri nahi duzu?”  Maitanek sergituan esan zion “ahal badut hantxe izango naiz nire famili osoarekin”

auzolan saria jasotzen

auzolan saria jasotzen "txintxarri aldizkaria"

Aiora zulaika “pirritxek” jaso zuen aurreko larunbatean auzolan saria. Pailazo taldea eskertu nahi izan du Lasarteko Ostadar kirol elkarteak batez ere herrian egin duen lana eskertzeko eta nola ez, herritarren bihotzak kolorez margotzen jarrai dezan animatzeko.
” Ilusio handia eman digu sari hau jasotzeak,  poza ematen du Ostadar bezalako kirol elkarte batek balore hezitzaileen alde egiten dutela ikusteak”  Zioen Aiorak.

Aitziber eta bere lagunak mendian.
Aitziber eta bere lagunak mendian.

Aitziberrek bidali zigun argazki pirata hau mezu baten bidez. Zera esaten zuen bertan:  Gauzia da, ni, Aitziber, zuen EUSKALPIRATAN jarraitzaile sutsu bat naizela eta juaten naizen mendi tontor danetara neurekin eramaten dotela, oingo hontan Izabako Kakueta mendi tontorrian, lagun batzuekin ataratako argazkixa bidaltzen dotzuet, ni lurrian botata dauana naiz, irakaslia naiz. ZORIONAK, bene benetan sekulako lan EDERRA eitxen dozue!!!!

Orrialdeak denera: 50« Lehena...102030...3839404142...50...Azkena »