Uztailaren 11 eta 12-a hortxe daude , Carlos Peñak eta ASPANOGI-k  “Uretara Piratekin ” ekimena aurrera eramango dute. 24 ordu igerian egingo ditu Carlos Peñak Orioko itsasadarrean haur minbiziaren alde. ASPANOGI-k Orion ekintza ezberdinak antolatu ditu, denok, txiki nahiz heldu, ongi pasa dezagun !!  Animatu eta zapi pirata jantzita joan !!

Atzo segan aritzen diren hiru neska-mutikorekin izan ginen, Irati, Nahia eta Harkaitzekin. Belarra mozten eta sega zorrozten erakutsi ziguten. Datorren abuztuaren 28, 29 eta 30ean Europako sega txapelketa izango da Azpeitiko Loiolan, eta larunbatean erakustaldia egingo dute gure lagunek, Euskal Herria ordezkatuz.

Bizipoza Jaia aurkeztu genuen Tolosan, izan ere bertan ospatuko baita aurtengoan, datorren irailaren 27an. Egitarau aberatsarekin dator aurten ere behar bereziak dituzten haurren eta familien elkarteen bilgune eta bozgorailu den Bizipoza Auzolanen jaia. Langintzan bidaide ditugu Tolosako Udala eta herriko hainbat eragile. Gure txoko txikitik eskerrak eman nahi dizkizuegu ttirriki-ttarraka festaren joskuntzan laguntzen ari zareten guztioi. Eman eta jaso, gora elkartasuna

Ez zenuela atzo Txoriene saioa ikusi? Hemen duzu aukera! Pirritx, Porrotx eta Marimotots Zigorrekin kozinatzen, irri eta dantza ibili ziren.

http://www.eitb.eus/…/bideoa-pirritx-porrotx-eta-marimotot…/

Atzo, herriko jaietan urtero legez, Arrasateko Monterron parkean izan ginen pailazoak, eta amaiera partean Txatxilipurdi aisialdi taldeko lagunak igo ziren oholtzara, Eguzkilaru maskotarekin batera, eta 26 urtetan egindako lana eskertu genien. Gurekin izan ziren Porrotxin pailazo arrasatearra eta June atxabaltarra ere. Ederki pasa genuen! Gora Arrasateko lagunak!

Orrialdeak denera: 52« Lehena...1020...2829303132...4050...Azkena »