Ez zenuela atzo Txoriene saioa ikusi? Hemen duzu aukera! Pirritx, Porrotx eta Marimotots Zigorrekin kozinatzen, irri eta dantza ibili ziren.

http://www.eitb.eus/…/bideoa-pirritx-porrotx-eta-marimotot…/

Atzo, herriko jaietan urtero legez, Arrasateko Monterron parkean izan ginen pailazoak, eta amaiera partean Txatxilipurdi aisialdi taldeko lagunak igo ziren oholtzara, Eguzkilaru maskotarekin batera, eta 26 urtetan egindako lana eskertu genien. Gurekin izan ziren Porrotxin pailazo arrasatearra eta June atxabaltarra ere. Ederki pasa genuen! Gora Arrasateko lagunak!

Atzo, sentitu, pentsatu eta ekin, denok elkarrekin irri handi bat margotu genion Euskal Herriari. Goizean Illunben izan ginen, pailazoak, dantzariak, kirolariak…Ane eta Piratekin barre eta dantza, bertaratu ziren familiekin gozatuz. Arratsaldean berriz, gure bihotzek beste milaka eta milaka bihotz taupadekin bat egin zuten, Jon Maia handiak dion bezala, Euskal Herria super potentzia emozionala baita.
Gora Euskal Irria Gure Esku Dago!

Egunotan Albaola Itsas Faktorian gabiltza, duela 500 urteko Euskal Herriaren inguruko sekretuak deskubritzen. Izan ere, egunez egun hazten ari den San Juan baleontziaren barrualdean Ipar Amerikara joan ziren euskal arrantzaleen oihartzunak sentitu baitugu.
Erreportajea udazkenean argitaratuko dugun TXO MIKMAK TXIKIA DVDan izango da ikusgai.

Datorren igandean, ekainaren 21ean, kolorez eta ilusioz josiko ditugu euskal hiriburuak. Irrien lagunak Donostian izango gara, eguerdian Ilunben, arratsaldean Anoetan. Gure etorkizuna margotzea Gure Esku Dagoelako, zatozte zuek ere!

Orrialdeak denera: 51« Lehena...1020...2829303132...4050...Azkena »