Pirritx gure txori lirain eta argiaren urtebetetze eguna ospatzen dugu gaur. Primaderak betez eta abenturak biziz, jarraitu ezazu gure bizitzak alaitzen. Ilargiraino eta buelta maite zaitugu. Porrotxek dioen moduan: “Itzali pastela eta jan kandela!”

Gaur Txo MikMak Txikia agurtu dugu Bizipozaren Jaian. Txistulariak, dultzainariak, tailerrak, puzgarriak, paellada erraldoia, batukada… Goizean goizetik jende mordoa lanean gaurko egitarau oparoan. Irrien Lagunak Gizartegintza osatzen duten elkarteak ere gurekin izan dira, haien egoeraren eta baloreen berri emanez. Gure txoko txikitik, mila-pila eskerrik asko gerturatu zareten guztioi, 5. urtez Bizipoza emateagatik! Maite zaituztegu, katxiporreta!

Euskal Herrian zehar “Txo, MikMak txikia”rekin ibili ostean, DVDa kaleratu dugu pailazook. Honen haria, ekitaldi berezi bat antolatu dugu gure herrian, Lasarte-Orian, datorren ostiralean 19:00etatik aurrera, Manuel Lekuona kultur etxean. Bertakoa den Jalgune elkarteari buruzko eta Albaola Itsas Faktoriaren inguruko ‘Zuhaitzetan itsasora goaz’ erreportajeen proiekzioa izango da lehenik, eta mahai-ingurua ostean. Lasarte-Oriako proiektua da bata, Euskal Herrikoa, bestea. Solasaldian parte hartuko dute Jalguneko begiraleek eta Jon Maiak. Bi proiektu, bi amets, nola erein eta nola egi bihur daitezkeen aztertuko eta ospatuko dugu.

Hasiak gara kantu berrien grabaketan, baserriaren gaia landuko dugu aurtengoan, eta baita Joxan Ormazabalen olerki sorta bat ere. Izan ere, disko bikoitza ari baikara lantzen. Jakizue gure doinuak Spotify-en dituzuela entzungai. Gure kanal hau jarraitzen eta partekatzen baduzu azken berrikuntzak izango dituzue eskura.

Gaur Marimototsen urtebetetzea da. Arratsaldean belarritik tira egingo diogu taldekideok, zorionak zuri abestuaz batera. Eta gogoraraziko diogu urteak betetzea baino garrantzitsuagoa dela abenturak bizitzea. Desiatzen gaude zurekin batera bizipen berriak bizitzeko! Segi beti bezain alai, jator, bizkor eta marimatraka, Marimo!

Orrialdeak denera: 51« Lehena...1020...2627282930...4050...Azkena »