Heriotza gaia du ardatz AMAREN INTXAURRAK proiektuak. Haurrek eta familiek, eta orohar, (hezkuntza) komunikateak gaia lantzeko euskarri bat gehiago izan nahi du sudurgorrien azken lanak. Naturak heriotza ulertzen lagundu die Pirritx, Porrotx eta Marimototsi: bizitzaren parte da heriotza ere.

IPUINA: Pirritx, Porrotx eta Marimotots pailazoekin elkarlanean, Julio Soto bertsolariak idatzitakoa eta Maite Mutuberriak ilustratutakoa.

DISKOA: Ipuinaz gain, aurrez argitaratuak dauden 15 abesti jaso dituzte diskoan. Xabier Zabalak sortutako musikarekin eta hainbat sortzailek egindako hitzekin dago osatua.

Salgai ohiko liburu dendetan eta online.

Bertan behera geratu da Tolosako Leidor Antzokian eskaini behar genuen BIZIDANTZA emanaldia COVID19a dela eta hartutako segurtasun neurri berriak direla eta, ikuskizunean ezarritako edukiera gaindituko litzatekelako sarrera guztiak salduta izanik. Sarreren dirua itzuli egingo da, Internet bidez edo Leidorren, leihatilan.

Igandean hilak 11, Covid-19aren aurrean prebentzio neurriak ezartzen dituen 54/2020 Foru Agindua argitaratu zen eta espazio itxietako kultura ekitaldien edukiera %60etik %30ra murrizten da.

Hori ikusita, Antsoaingo Udala urriaren 14rako iragarrita zeuden BIZI DANTZA ikuskizunak atzeratzera behartuta ikusten da. Data berria zehazterakoan jakinaraziko zaizue.  Erositako sarreren zenbatekoa itzuli egingo da kobratu den txartel berera.

Barka eragozpenak!

Kontuz, koronabirusa!” edonon eta edonoiz entzuten dugun garai zail hauetan bueltan gara sudurgorriak, osasun eta segurtasun neurri guztiak hartuta, BIZI DANTZA emanaldiei ekiteko prest!

Ostiralean Gorlizen izango gara eta larunbatean eta igandean berriz Galdakaoko Torrezabal Kultur Etxean. Eta datozen asteetan, Hernanin, Elorrion, Antsoainen, Uharten, Sopelan, Bilbon, Iurretan,… ikusi gure agendan: https://www.katxiporreta.eus/agenda/index.php

BIZI DANTZA ikuskizuna azaroan estreinatu genuen, eta koronabirusaren izurriteak dantza geldiarazi bitartean, 46 herritan eskaini genituen saioak, tokian tokiko dantza taldeekin batera. Herriz herri, kolore eta izaera askotako dantza taldeak ezagutu ditugu, haiekin batera dantzatuz eta gozatuz.

DVDko irudiak Andoaingo Bastero Antzokian grabatu genituen pailazo taldeak urtarrilaren 25ean. Dagoeneko eskuragai duzue gure online dendan: https://www.katxiporreta.eus/denda/dvd-berria-bizidantza-2020

Orrialdeak denera: 5112345...102030...Azkena »