LEGE OHARRA

Lege Informazioa

 

Informazioaren eta Merkataritza Elektronikoaren Gizartearen Zerbitzuei buruzko uztailaren 11ko 34/2002 Legea betez, jakinarazi nahi dizugu www.katxiporreta.eus interneteko domeinuaren titularra honako hau dela: Katxiporreta, Koop. E. (F20851689), helbidea: Oria Etorbidea, 10, Brunet Eraikina 5, E4 – 20160 Lasarte-Oria (Gipuzkoa), telefono-zenbakia: 943 368 404, helbide elektronikoa: pailazoak@katxiporreta.eus

 

 

1. Baldintza Orokorrak

 

www.katxiporreta.eus Katxiporreta, Koop. E. enpresaren jabetzako web gunea da. Erabiltzailea borondatez sartu ahal izango da bertan, eta gainera, sartzea doakoa da. Web gune honetan nabigatzeak esan nahi du erabiltzaileak ezagutzen eta onartzen dituela bertako lege oharrak, erabilera baldintzak eta bertako pribatutasun politika. Erabiltzaileak ez baditu onartzen erabilera baldintza horiek, eta beraz, ez badie onespena ematen, ezingo du web gune honetan nabigatu.

 

Web gune honetan sartzea eta bertako informazioari zeinahi erabilera ematea erabiltzailearen eta soilik erabiltzailearen erantzukizunpekoak izango dira. Hala, informazioa web gunearen helburuarekin bat eginda erabiltzeko konpromisoa hartu beharko du erabiltzaileak.

 

Erabiltzaileak ezingo dio eman, beraz, legez kontrako erabilerarik web guneko informazioari. Bide beretik, ezingo du web guneko informatika-sistemei kaltea eragin diezaiekeen ekintzarik egin.

 

Erabiltzaileek galarazita izango dute eduki faltsuak edo okerrak txertatzea edo jakinaraztea; esan nahi baita, ezingo dute eman Katxiporreta, Koop. E., beste erabiltzaile batzuk edo hirugarrenak nahasteko moduko edukirik. Erabiltzailea bera izango da, horrenbestez, ematen dituen datuekin eragindako kalteen erantzule bakarra.

 

Ezin da erabili hirugarrenen datu pertsonalik, euren baimenik gabe. Era berean, debekatuta dago hirugarrenen identifikazio-datuak erabiltzea, beste pertsona edo entitate baten tokian jartzeko asmoz.

 

Katxiporreta, Koop. E.k ahalegin handia egiten du web gunean argitaratzen diren edukietan akatsik egon ez dadin. Beraz, beretzat gordetzen du edonoiz horiek aldatzeko eskubidea. Katxiporreta, Koop. E.k espresuki uko egiten dio web gune honetako edukietako akats edo hutsegiteengatiko erantzukizunari eta baita horien egiazkotasun-, zehaztasun- eta gaurkotasun-faltaren ondoriozko kalteengatiko erantzukizunari ere.

 

www.katxiporreta.eus web guneak beste erabiltzaile batzuen iritzi eta ikuspegiak bil ditzake. Web gunearen elkarreraginezko izaera kontuan hartuta, Katxiporreta, Koop. E. ez da erabiltzaileen arau-urratzeen erantzulea izango. Horrenbestez, ezin ditu bermatu erabiltzaileek sortutako zeinahi edukiren ziurtasuna, eraginkortasuna eta egiazkotasuna.

 

www.katxiporreta.eus web guneak beste web gune batzuetarako estekak jar ditzake edo bere web gune bilatzaile batekin horietarako sarbidea eman dezake. Katxiporreta, Koop. E.k ez du bere gain hartzen estekatutako gune horietako ezein edukiren erantzukizunik, ezta bilaketen emaitzarenik ere; izan ere, ez du horien gaineko eta horietan eskainitako eduki, produktu eta zerbitzuen gaineko erantzukizunik. Zerbitzu horien helburua, hain zuzen, erabiltzaileei beste informazio-iturri batzuen berri ematea da; horregatik, erabiltzailea soil-soilik bere erantzukizunpean sartuko da eduki horietara, bertan araututako baldintzen arabera.

 

Katxiporreta, Koop. E. ez da web gune honen edo bertako edukien erabileratik eratorritako edozein ondorio edo kalteren erantzulea izango, informatika-kalteak eta birusak txertatzea kontuan hartuta. Katxiporreta, Koop. E.k ez du bermatzen web gunean ez dela inolako birusik edo bestelako elementurik izango, kanpoko hirugarrenek txertatutakoak, eta erabiltzaileen sistema fisiko zein logikoei kalteak ekar diezazkieketenak; nolanahi ere, eskura dituen bitarteko guztiak erabiliko ditu, horrelakorik gerta ez dadin.

 

Katxiporreta, Koop. E.k beretzat gordetzen du noiznahi, aldez aurretik oharrik edo azalpenik eman gabe, web gune honetako diseinua, konfigurazioa eta informazioa aldatzeko edo ezabatzeko eskubidea, baldin eta beharrezkoa dela iruditzen bazaio. Katxiporreta, Koop. E.k ez du bere bizkar hartuko aldaketa horiek ekar ditzaketen kalteen erantzukizuna. Dena den, eskura dituen bitarteko guztiak erabiliko ditu, erabiltzaileei aldaketa horien berri emateko.

 

 

2. Erregistroak eta harpidetzak

 

Web gune honetan sartzeak ez dakar, halabeharrez, datu pertsonalak eman behar izatea. Nolanahi ere, eskainitako zerbitzu batzuk erabiltzeko beharrezkoa da aldez aurretik erregistratzea. Erregistroa segurua eta zerbitzua egokia izan daitezen, ezinbestekoa da erabiltzaileak hainbat datu pertsonal ematea.

 

Erabiltzaileak egiazko datuak, zehatzak eta osotuak emateko konpromisoa dauka, bai erregistroa egitean, eta baita geroko jakinarazpenak gauzatzean ere. Hala, horien edozein aldaketaren berri emateko erantzukizuna ere izango du. Erregistro-galdetegietan derrigorrezkotzat jotako eremuak hutsik utziz gero, Katxiporreta, Koop. E.k, beharbada, ez dio erabiltzailearen eskaerari erantzungo.

 

Katxiporreta, Koop. E.ren hainbat zerbitzutan erregistratzeak edo horietara harpidetzeak esan nahi du erabiltzaileak onartu egiten dituela Katxiporreta, Koop. E.ren baldintza orokorrak eta pribatutasun politika. Era berean, esan nahi du erabiltzaileak espresuki onartu eta baimena ematen diola Katxiporreta, Koop. E.ri, bere produktu eta zerbitzuei buruzko edo merkataritza-hitzarmenak sinatuta dituen beste enpresa batzuen produktu eta zerbitzuei buruzko merkataritza jakinarazpenak bidaltzeko, nola posta arruntez, hala bitarteko elektronikoen bitartez. Jakinarazpenen hartzaileak, nolanahi ere, baimen hori ezeztatu ahal izango du, edonoiz. Horretarako, idatzi bat bidali beharko dio Katxiporreta, Koop. E.ri.

 

Erabiltzaileek borondatez eskatu ahal izango dute buletinetako harpidetza egitea. Nolanahi ere, erabiltzaileek noiznahi eskatu ahal izango dute zerbitzu horretan baja emateko. Horretarako, idazki bat bidali beharko dute Katxiporreta, Koop. E.ra, edo bestela, enpresak horretarako jarritako beste edozein bitarteko erabili ahal izango dituzte.

 

 

3. Sarbide-gakoen erabilera

 

Gune pribatura sartzeko gakoak, hain zuzen, pertsonalak, isilpekoak eta besterenezinak dira. Erregistratutako erabiltzaileak gakoak erantzukizunez erabiltzeko eta inori ez jakinarazteko konpromisoa izango du. Euren gakoak erabiltzeko nahiko gaitasun ez duten adingabeei dagokienean, berriz, gurasoek edo legezko tutoreek lagunduko diete kudeaketa-lan horretan. Erregistratutako erabiltzaileak ez dio bere gakoen berri emango telefonoz, posta elektronikoz, web gunearen bitartez edo beste zeinahi bidetatik gakoa eskatzen dion inori.

 

Katxiporreta, Koop. E.k gomendatzen du erabiltzaile-gakoa eta pasahitza ez izatea berbera, eta alfa-zenbakizko karaktereak edukitzea. Erabiltzaileak buruz ikasi beharko ditu bere gakoak, eta ez da komeni edonor sartzeko moduko inolako euskarritan (fisikoa zein informatikoa) gordetzea. Bide batez, komenigarria da aldian-aldian sarbide-gakoak aldatzea.

 

Garrantzitsua da, saioa bukatu orduko, erabiltzaile bakoitzak bere kontu pertsonala ixtea; hartara, ekipoa partekatzen badu edo toki publiko bateko ekipoa erabiltzen badu (liburutegikoa edo ikastetxekoa) ziur egongo da inortxok ere ez duela aukera edukiko bere informazio pertsonala ikusteko.

 

Erabiltzailea ohartzen bada norbait era bidegabean edo baimenik gabe dabilela bere sarbide-gakoekin, berehala jakinarazi beharko dio Katxiporreta, Koop. E.ri.

 

 

4. Edukiak argitaratzea

 

Web gune honetan edozein eratako edukiak (datuak, testuak, bideoak, soinua, argazkiak, grafikoak, mezuak edo bestelako materiala) txertatzen dituen erabiltzaileak adierazi eta bermatu behar du hemen adierazitako baldintzen arabera egingo duela.

 

Hirugarrenen datu pertsonalak gehitzen dituen erabiltzaileak adierazi behar du pertsona horien baimena daukala datuak argitaratzeko.

 

Katxiporreta, Koop. E.k erabiltzaileei jakinarazi nahi die argitaratutako edukien neurtze-kontrolak egin ahal izango dituztela, eta ezegokitzat jotako eduki guztiak ezabatu ahal izango dituztela, aldez aurretik ezer esan gabe. Horrek ez du esan nahi Katxiporreta, Koop. E. denik erabiltzaileek web gune honetan txerta ditzaketen eduki guztien erabateko kontrolaren erantzulea. Katxiporreta, Koop. E.k ezin du bermatu erabiltzaileek web gune honetan argitara ditzaketen edukien zehaztasuna, kalitatea eta osotasuna. Esan bezala, erabiltzailearen erantzukizuna da web gune honen erabilera-baldintzak betetzea.

 

Katxiporreta, Koop. E.k beharrezko tresnak emango dizkio erabiltzaileari, ezegokitzat jotako edukiak salatu ahal izateko. Katxiporreta, Koop. E.k salaketa guztiak aztertuko ditu, eta horien neurriari buruzko erabakiak hartuko ditu.

 

Erabiltzaileak, bestalde, web gunea errespetuz eta fede onean oinarritutako irizpideen arabera erabiltzeko konpromisoa hartuko du. Hala, oinarrizko jokaera-arau hauek beteko ditu:

 

  • Ez argitaratu eduki iraingarriak, arrazistak, mehatxatzaileak, indarkeriakoek, lizunak, hirugarrenen intimitateari erasotzen diotenak edo nolabait ezegokiak direnak; batez ere, adingabeei kalteak eragin diezazkieketenak.
  • Ez argitaratu ideologiarekin, sindikatu-afiliaziorekin, erlijioarekin, sinesmenekin, arraza-jatorriarekin, sexu-bizimoduarekin, genero-indarkeriarekin eta osasunarekin lotutako datuak edo hirugarrenei edo nork bere buruari erreferentzia egin eta oso sentiberak izan daitezkeen bestelako datuak.
  • Ez bidali copyrighta duen zeinahi eduki, baldin eta jabearen baimenik ez baduzu.
  • Ez txertatu sustapen- edo publizitate-edukirik.
  • Ez bidali beste erabiltzaile batzuei baimendu gabeko jakinarazpenak (spam).

 

Katxiporreta, Koop. E.k beretzat gordetzen du erabiltzaile baten kontuari baja emateko eskubidea, baldin eta ohartzen bada berau modu desegokian erabiltzen duela; bai honako baldintza hauek betetzen ez dituelako, bai garrantzizkotzat jotzen duen beste zeinahi arrazoi dela tarteko.

 

Katxiporreta, Koop. E.k web gune honetako erabiltzaileei gogorarazi nahi die web gunea bera haurrentzako dela hein handi batean; horregatik, bertan argitaratutako eduki guztiek erabiltzaile mota horri egokitutakoak izan beharko dutela.

 

 

5. Jabetza intelektuala eta industriala

 

Web gune honen jabetza-eskubideak, eta baita bertako orrialde, pantaila, informazio, itxura zein diseinu, produktu eta zerbitzu, marka, logo, lelo eta gainerakoen jabetza-eskubideak ere, Katxiporreta, Koop. E.renak dira, non eta ez den bestelakorik adierazten.

 

Erabiltzaileek web gune honetan argitaratzen dituzten eduki guztiak ere Katxiporreta, Koop. E.ren eskubide eta lizentziapean geratuko dira; hala, azken honek datu horiek erabili, erreproduzitu, aldatu, egokitu, argitaratu, itzuli, horietan oinarritutako lanak sortu, banatu, egikaritu eta eduki horiek erabat edo hein batean erakutsi ahal izango ditu, erabiltzaileak ustiapen- edo dibulgazio-modu horren truke inolako ordainik eskatzeko aukerarik izan gabe. Erabiltzaileak adierazten baitu modu publikoan txertatu dituela eduki horiek; sekula ez, isilpean.

 

www.katxiporreta.eus web gunean sartzeak edo bertan nabigatzeak ez du esan nahi, inola ere, Katxiporreta, Koop. E.k bere jabetza intelektual edo industrialaren eskubideei uko egiten dienik, edo erabiltzaileari bere erabilera pertsonalerako utzi edo baimena (erabatekoa edo hein batekoa) ematen dionik.

 

Norbaitek lan horiek baimenik gabe erreproduzitu, banatu, merkaturatu eta eraldatzen baditu, Katxiporreta, Koop. E.ren jabetza intelektualaren eskubideak urratuko ditu.

 

Erabiltzaileak web gune honetatik edukiak edo baliabideak jaisten baditu (betiere, Katxiporreta, Koop. E.ren baimenarekin), erabilera pertsonalerako baino ez ditu jaitsiko; sekula ez, merkataritza-erabilerarako. Beraz, eduki horiek ezingo dira legez kontra aldatu, alokatu edo erabili.

 

Erabiltzaileak web gune honen titulartasunari kalteak eragingo lizkiokeen zeinahi ekintza ez egiteko konpromisoa hartuko du. Web guneko informazioa baimenik gabe erabiliz gero, edo titularren jabetza intelektual eta industrialaren eskubideei kalteak eraginez gero, dagokien lege-ekintzak egikaritu ahal izango dira, eta hala badagokio, hori egikaritzetik eratorritako erantzukizunak bete beharko dira.

 

 

6. Aldaketak

 

Baldintza hauek guztiak aldatu ahal izango dira, baldin eta Katxiporreta, Koop. E.k noizbait egokitzat jotzen badu; bai lege-aldaketei egokitzeko, bai bestelako hobekuntza batzuk egiteko. Aldaketa horiek indarrean egongo dira web gune honetan argitaratzen diren unetik aurrera. Katxiporreta, Koop. E.k eskura dituen bitarteko guztiak erabiliko ditu, erabiltzaileei aldaketa guztien berri emateko.

 

 

7. Jurisdikzioa

 

Katxiporreta, Koop. E.ren eta erabiltzailearen artean sortutako harremana, hain zuzen, aplikatzeko modukoa den legediari eta eskumena daukan jurisdikzioari buruz indarrean den araudian xedatutakoak arautuko du. Nolanahi ere, araudiak aurreikusten badu aldeek eskumen baten mende jarri behar dutela, Katxiporreta, Koop. E. eta erabiltzailea, dagokien beste zeinahi eskumeni espresuki uko eginda, Tolosako Epaitegi eta Auzitegien mende jarriko dira.

 

Erabiltzaileak ez baditu baldintza hauek betetzen edo web gunean azaltzen diren edukien okerreko erabilera egiten badu Katxiporreta, Koop. E.k Zuzenbideak ematen dizkion neurri zibilak eta penalak hartuko ditu ez-betetze hauek zigortzeko.